औषधि पसल अनुगमन
2082-01-17
2082-01-17
-भुबन श्रेष्ठ
मिति २०८२।०१।१५ र १६ गते औषधि व्यवस्था विभागको शाखा कार्यालय विराटनगर र जिल्ला प्रशासन कार्यालय ओखलढुंगाको संयुक्त टोलीले ओखलढुंगा जिल्लामा रहेका औषधि पसलहरुको अनुगमन गरेको छ ।
अनुगमनका क्रममा श्रेष्ठ मेडिकल हल सि.न.पा.-१२, मा नियमविपरितका लागू औषधहरु भेटिएको तथा विना दर्ताको भेटेनरी सम्बन्धी औषधिहरुसमेत भेटिएको र सिद्धिचरण नगरपालिका वडा नं. ४ रुम्जाटारको पदमा मेडिकल हलमा नेपाल सरकारबाट निशुल्क वितरण गर्ने भनी लेखिएका औषधिहरु समेत भेटिएकाले दुवै औषधि पसलहरुलाई हालको लागि सिल गरिएको छ ।
त्यसैगरी मोलुङ गाउँपालिका-२ रामपुरको कृषि फार्म औषधि व्यवस्था विभागमा दर्ता नभई सञ्चालन भएको पाइएकोले सो फार्मसमेत हालको लागि सिलबन्दी गरिएको छ । अन्य औषधि पसलहरुलाई व्यवस्थित रुपमा सञ्चालनको लागि निर्देशन दिईएको छ ।